اشهر ٥ مشاكل بتواجهنا في النوم
١- الأرقinsomnia :مش عارف تدخل في النوم أو بتنام علي طول بس النوم متقطع (fragmented sleep) أو بتنام كويس بس بتصحي بدري أوي عن المعاد المحدد.الأسباب: عاده بتبقي الضغط العصبي و النفسي أو شرب مشروبات الكافيين كتير .. كمان السيدات و كبار السن عرضه أكتر و الشغل بنظام الورديات اللي بتغير كل شويه مواعيد النوم٢ - انقطاع النفس أثناء النومObstructive Or central Sleep Apnea و ده ممكن يحصل لمده ثواني و تؤدي الي تقطيع النوم و كمان بتزود ثاني أكسيد الكربون في الدم و ده ممكن يخلي الواحد يقوم من النوم بصداع شديد و يخليه علي مدار اليوم عايز ينام و حاسس انه مشبعش نوم٣ - تململ الساقين Restless leg syndrome اللي هو احساس بنمل او حاجه ماشيه علي رجليا الاتنين و انا نايم بتخلي الشخص النايم يحرك رجليه كتييير جدا و يحك رجل بالرجل التانيه و الحاله دي ليها أسباب كتير منها حاجات بسيطه زي نقص الحديد و بتتحسن بأدويه الدوبامين .٤- داء التغفيق Narcolepsy التغفيق كلمه صعبه شويه خلوها داء التسقيط 😂شخص بيسقط طوال اليوم بينام في اي فرصهنوم نوم بجد يعني مش هزار... تلت او نصف ساعه و ممكن يحلم كمان ينام في مواصلات مثلا .. عند الحلاق.. ادام التلفزيون ..و الكارثه ممكن يسقط و هو سايق 😲 ده مرض نتيجه نقص ماده hypocretin في المخ و يحتاج علاج دوائي.٥ - في ظواهر طبيعيه عند ناس لا تصنف علي انها اضطرابات نوم ناس طول عمرها بتنام كتير بالليل ١٠ الي ١٢ ساعه و متبقاش فايقه الا بالعدد ده من الساعات ده طبيعي اسمهمlong sleeperناس طول عمرها بتنام قليل و ٣ او ٤ ساعات نوم بالنسبه لهم كافيين جدا و ليقوموا مبسوطين .. دول طبيعين و اسمهم short sleeper و هناك بعض نصائح مهمه لينا كلنا لتحسين جوده النوم وهي كالآتي:١- يجب تجنب الكافيين و المنبهات و مشروبات الطاقة.بعد الساعه ٥ م (خلي بالك الكولا و الشيكولاته فيهم كافيين)٢- حافظ علي درجة حرارة متوسطة بغرفتك (١٨ - ٢٥ درجة مئوية) و استخدم سرير مريح للنوم.٣- الهدوء و خفض الإضاءة يساعدان علي افراز الميلاتونين الذي يساعد علي النوم.٤- إذهب الي النوم و استيقظ قي اوقات ثابتة كل يوم (حافظ علي روتينك اليومي) تغيير مواعيد النوم بيأثر علي جوده النوم.٥- تجنب الاكلات الدسمة و التقيله و الوجبات السريعة أو التدخين قبل النوم.٦- تجنب ممارسة الرياضة قبل النوم.٧- لا تشاهد التليفزيون او تستخدم الكمبيوتر علي السرير.٨- متنامش فترة طويلة اثناء النهار ( لا ينبغي أن تزيد مده القيلولة عن ساعة) ٣ و ٤ ساعات دي غيبوبه مش قيلوله.٩- لا تضع أية أجهزة الكترونية ( كالتليفون المحمول) بجانب السرير( بلاش الشاحن والموبايل عشان خاطري).١٠- لا تركز او تفكر في الأرق.. فالنوم غالباً يأتي عندما تتوقف عن التفكير به.١١- و طبعا محبكش نتناقش في المشاكل و بالذات الساده الأزواج و الزوجات قبل النوم ..خلي الليله تعدي
